Më gëzon pa masë fakti që sot, së bashku me ambasadorin Rexhep Demiri, pata nderin të jem në Shtëpinë e Kulturës së Kërçovës, ku u prezantua projekti zyrtar i filmit ndërkombëtar “SULTANES – MAZLLAM QAFES”.
Ky ishte një moment historik, një rikthim i kujtesës sonë kolektive për të kaluarën e lavdishme të popullit tonë, që na bën të ndjejmë krenari dhe mirënjohje.
Përgëzime të veçanta për këtë hap të guximshëm e vizionar:
Besa Rizmani Rraqi – aktore
Benjamin Diranica – producent
Volkmar Sering – drejtor
David Altman – bashkëproducent
Ishte kënaqësi e veçantë të takoja shumë personalitete të larta, aktorë, kryetarin e komunës, drejtorin e Shtëpisë së Kulturës, afaristë, mërgimtarë dhe shumë bashkëvendas të nderuar, të cilët me praninë e tyre i dhanë këtij eventi një atmosferë të jashtëzakonshme.
Ky film nuk është thjesht një vepër artistike, por një urë që lidh të shkuarën me të ardhmen, një pasqyrë ku shohim rrënjët tona dhe frymëzohemi për të ecur më me vendosmëri përpara. Historia që ai mbart është një ftesë për t’u ndalur, për të kujtuar, për të nderuar ata që i dhanë shpirtin e tyre kauzës së lirisë e dinjitetit.
